Aao hum tum ab fanaa ho jaayein
hava inquilab aur hum shama ho jaayein
tahrir e nau ka kalam ban kar
Apne armaanon ki dua ban jaayein
Odh kar sarfaroshi ka jaam e kafan
Rah e junoon mein nihaan ho jaayein
Mod dein apne seenon se sangeenon ko
Dast e qatil ki kazaa ban jayein
Jalaa ke saare khauff apne maazi ke
Zulm ki hum tum chitaa ban jaayein
Utre hain fizaa mein dekho apne khwaab
Qaum faroshon ki sazaa ban jaayein
Aane wale kal ki keemat ada kar dein
hamesha ke liye hum javaan ho jayein
No comments:
Post a Comment