Smrutiyon ka prabhaav

Smrutiyon ka prabhaav pyaas sa badhta chalaa gayaa
Aur main beete palon ko niglata chala gayaa

Kitno ke pat jhat bund phir kiye
kuch ka tar udhdaa to udhadtaa chalaa gayaa

Kab tak padi rahogi mere paaon mein
Sawaal apni bediyon se main karta chala gayaa

Na shastra na kavach kisi kaam aaye
Is rann mein ajay vahi jo gira aur girtaa chala gayaa

Saath hain to kyun na hum sukhi rahein
Prashn na thaa to chinh kyun lagtaa chalaa gayaa

Phoolon ki sej mein hi thha mere hriday ka shool
Layt'te hi mere wo ghar chalaa gayaa