Holi Masti

Holi ki rangeen jab dete Chahcha badhayee
Padosan dikhe hai pehle, piche apni lugayee

Chamchamati lungi pehin Pehelwan Kallu
moonch per hain tav laaye
jaise kahein 'koi hum par rang daal ke dikhaaye'

Hai! Misrain kaun si saadi pahin hain ayiin?
Bheeg kar gayee aur bhi kas,
Rang maley unko hum khoob jas tas

Rajjo aandhi ki tarah ayee
toofan ki tarah gayee balti bhar ke
syaani ho gayee woh bhi rangon mein phans ke

Kaun kahe hai Baiju se
ghontne ko thandaai
bhaanj rahe hai aise
jaise apne liye hi banayee

Boley mast nayan, jeeb ladkhadaye
ab ki holi maun hain hum
baat mein teri man dooba jaaye

pati aise bhi pad gaye raste
jo itne din baad
patni ko dekha khul ke hanste

Paan lagaa rahe hain tunn Nirale
mal rahe kya chuna katha
moonh mein sabke chaale

In sab drishyon se door Kallu
peete asmanjas ke haale
Keh hi diya "Arre! koi mujhpar bhi rang to dale!'