Mile the jaise khwaabon mein hum tum,
ek kasak bedaar aaj bhi hai
Khule jo raaz gesuon ke chandni raat mein,
saanson mein mehak aaj bhi hai
Aaj bhi damakti hai tere vaaste chashme nam,
soona soona ye sehen aaj bhi hai
Yaadon se hi karta hoon apne din roshan,
nazar andhere ki mujh par aaj bhi hai
Mazii mein sahare kab tak dhoondhun,
Aao ki duniya se bair aaj bhi hai
Apni hasti ka jurmana to de diya
Tum se baaki hisaab aaj bhi hai
No comments:
Post a Comment